A última actividade que a biblioteca acolleu durante este curso 2022-2023 tivo lugar na sala do edificio das Mariñas, onde o grupo de teatro de galego e portugués, creado ao abeiro dos Contratos Programa, estreou dúas obras: O drama do cabalo de axedrez, de Rafael Dieste, e unha adaptación da peza inaugural da nosa dramaturxia: o Entremés famoso sobre da pesca do río Miño.
Julia Dopico, escritora e profesora de Música do noso centro, visitou o club de lectura de adultos na súa última xuntanza deste curso, para departir con eles sobre o seu poemario La voz de la musa
Esta tarde o profesorado e familias usuarias da biblioteca asistiron a un taller para fomentar na adolescencia os hábitos lectores e para aprender a crear espazos comúns nos que compartir lecturas.
Grazas á editorial Xerais, a autora, da que o alumnado de 2º da ESO leu as obras A lavandeira de San Simón e 22 segundos, veu falar desta última coas lectoras e lectores, que compartiron con ela as súas impresións e aprenderon sobre o proceso que levou á creación da novela.
