AVALIACIÓN DA BIBLIOTECA

Un ano máis a BIBLIOTRABE pide a colaboración das súas usuarias e usuarios para seguir mellorando. Pregámosvos que nos dediquedes uns minutos do voso tempo para facerdes a avaliación das salas. Contestade só a enquisa do voso grupo. Moitas grazas!

ENQUISA PARA O ALUMNADO

ENQUISA PARA O PROFESORADO

ENQUISA PARA AS FAMILIAS

CHARLA DE LECTURA E FAMILIAS IMPARTIDA POR SONIA HERMIDA

 Esta tarde o profesorado e familias usuarias da biblioteca asistiron a un taller para fomentar na adolescencia os hábitos lectores e para aprender a crear espazos comúns nos que compartir lecturas.

VISITA DE EVA MEJUTO

Grazas á editorial Xerais, a autora, da que o alumnado de 2º da ESO leu as obras A lavandeira de San Simón e 22 segundos, veu falar desta última coas lectoras e lectores, que compartiron con ela as súas impresións e aprenderon sobre o proceso que levou á creación da novela.

OBRADOIRO DE POESÍA IMPARTIDO POR CARLOS NEGRO

O alumnado de 4° de ESO, dividido en varias quendas asistiu na BIBLIOTRABE a un taller impartido polo poeta Carlos Negro, que foi presentado por Carmen e Irene, do Club de Lingua Galego no Rego.

SELECCIÓN DAS LETRAS GALEGAS

A exposición de fondos desde mes é de anteriores homenaxeadas e homenaxeados nesta celebración creada por Fernández del Riego hai sesenta anos.

Os integrantes do Club de lectura VAGALUMES tamén homenaxearon a don Paco fotografándose coas súas lentes para os marcapáxinas deste curso. Xa sabes, "Pon as gafas de lectura e ven cos Vagalumes a vivir aventuras!"

AS LETRAS DE DON PACO

Xa estamos na semana das Letras Galegas. Este ano dedícanse a Francisco Fernández del Riego, presidente da Real Academia Galega, fundador da editorial Galaxia e impulsor da festividade das Letras Galegas.

ESCAPE ROOM NA BIBLIOTRABE

Os integrantes do noso Club de Lectura Vagalumes fixeron na biblio unha escape room inspirada en Harry Potter.

DÍA DO LIBRO

 

Decoramos a biblio con marcapáxinas plurilingües que reflicten as vivencias lectoras do alumnado.

Había que vestirse de festa, que era o Día do Libro e, ademais, nuns días viñan dos centros de primaria as nosas futuras usuarias e usuarios... que nervios!