martes, 20 de junio de 2023

CAE O TELÓN

A última actividade que a biblioteca acolleu durante este curso 2022-2023 tivo lugar na sala do edificio das Mariñas, onde o grupo de teatro de galego e portugués, creado ao abeiro dos Contratos Programa, estreou dúas obras: O drama do cabalo de axedrez, de Rafael Dieste, e unha adaptación da peza inaugural da nosa dramaturxia: o Entremés famoso sobre da pesca do río Miño. 


Aquí podes ver un pequeno resumo fotográfico:




JULIA DOPICO NO CLUB DE ADULTOS

 Julia Dopico, escritora e profesora de Música do noso centro, visitou o club de lectura de adultos na súa última xuntanza deste curso, para departir con eles sobre o seu poemario La voz de la musa



domingo, 18 de junio de 2023

PLANETA PRINCIPIÑO





A partir das citas da lectura desta obra escollidas no club de adultos e coa axuda do alumnado de francés, creamos este  móbil na biblioteca que acompaña a exposición d'O Principiño en diferentes idiomas.



viernes, 2 de junio de 2023

DESPEDIMOS OS NOSOS COLEÓPTEROS FAVORITOS

Hoxe a biblioteca pechou para dar acollida, un curso máis, á festa de despedida dos vagalumes.


As lecturas foron moitas e variadas, igual que as viandas escollidas e relacionadas con elas: Bertie botts de Harry Potter, té xeado da familia Holmes, estrelas no vento, ollos de Polifemo e mosaikós grego traído das viaxes de Ulises, violetas das Mulleres planta, pantasmas de Canterville, dedos de zombis traídos por Frankenstein dunha Apocalipse Z e xugo da nosa Planta de laranxa lima.


Agora imos voar para seguir lendo noutros lugares, pero a Bibliotrabe espéravos de volta en setembro.

martes, 30 de mayo de 2023

AVALIACIÓN DA BIBLIOTECA


Un ano máis a BIBLIOTRABE pide a colaboración das súas usuarias e usuarios para seguir mellorando. Pregámosvos que nos dediquedes uns minutos do voso tempo para facerdes a avaliación das salas. Contestade só a enquisa do voso grupo. Moitas grazas!


ENQUISA PARA O ALUMNADO


ENQUISA PARA O PROFESORADO


ENQUISA PARA AS FAMILIAS


CHARLA DE LECTURA E FAMILIAS IMPARTIDA POR SONIA HERMIDA

 Esta tarde o profesorado e familias usuarias da biblioteca asistiron a un taller para fomentar na adolescencia os hábitos lectores e para aprender a crear espazos comúns nos que compartir lecturas.



VISITA DE EVA MEJUTO

Grazas á editorial Xerais, a autora, da que o alumnado de 2º da ESO leu as obras A lavandeira de San Simón e 22 segundos, veu falar desta última coas lectoras e lectores, que compartiron con ela as súas impresións e aprenderon sobre o proceso que levou á creación da novela.