Este curso celebramos o Día do teatro coa asistencia do alumnado dos ciclos superiores á representación de "Alma de tigre", o último espectáculo da compañía Elefante Elegante, residente no Concello de Culleredo, cuxos integrantes charlaron sobre a montaxe con alumnado ao final de cada función.
Para celebrarmos o 21 de marzo o alumnado de primeiro da ESO creou uns paneis poéticos con versos de todo tipo, desde autoras clásicas como Rosalía até actuais como Eduardo Estévez ou Carlos Negro, pasando por letras de temas de Sés e O Leo e, claro está, pola autocreacion.
Se te fixas ben, podes velos xa poetizando os corredores do centro.
María Canosa visitou o IES Rego de Trabe para falar de Emilia Pardo Bazán dentro do programa de Actividades literarias en institutos do MECD
Rosalía pasou polo centro a celebrar o seu aniversario e o alumnado de 2ºC agasallouna con esa vistosa saia.
