CONCURSO DE DESEÑO DE NADAL

                    

Gústache debuxar?  Tes talento para ilustrar o espíritu do Nadal? Xa tes claro cal pode ser o lema propio do tempo do Apalpador? Anímate a participar no concurso. Tes de prazo ata o 15 de decembro para achegar a túa obra artística á Biliotrabe. O día 18 resolveremos a incógnita, o gañador recibirá un agasallo e a súa imaxe  convertirase na felicitación de Nadal do presente curso. Libera a túa creatividade para despedir este ano!

 REUNÍMONOS O VENRES 26. PRIMEIRA XUNTANZA DO CLUB DE LECTURA

                                                                   VAGALUMES

    Os membros do club xa recibístedes a vosa invitación. Comezaremos compartindo as nosas inquedanzas polos libros de banda deseñada  e ata participaremos nun taller da man de Felipe e Goretti.

    Lembrade que aínda vos podedes anotar.

        Ata o venres!!!!

FRECHAZO LIBREIRO. DÍA DAS LIBRARÍAS

Achégate a unha libraría do teu barrio  e festexa o seu día mercando un  libro cheo de aventuras, intriga, soños e momentos máxicos.

MES DA CIENCIA EN GALEGO

Desde a  Asesoría das bibliotecas escolares realizouse unha recompilación de recursos dixitais relacionados coa ciencia en galego. Bótalle un ollo a este enlace se tes curiosidade polo tema.

MATERIAIS. MES DA CIENCIA EN GALEGO NAS CIENCIAS

Por outra banda, o club de ciencias do IES vai participar nas videoconferencias que oferta IGACIENCIA. Visita a súa páxina se queres ver de que se está a falar no diferentes eidos científicos.

Apúntate ás videoconferencias do mes da ciencia en galego

E por último, co galo do mes da ciencia en galego, o alumnado de 1ª de  BACH  asistirá online a unha charla de NATALIA BARREIRO  sobre vacinas, organizada polo EDLG e relacionada coa lectura de Os nenos da varíola de María Solar. En bibliotrabe temos exemplares dispoñibles desta obra por se che apetece lela.

      XA PODES ANOTARTE 

NO CLUB DE LECTURA VAGALUMES!!

POR FIN ABRIMOS!!!   Curso 2020/2021

DÍA DAS LETRAS 2020: RICARDO CARVALHO CALERO

Estes son os traballos do alumnado a través das propostas do EDLG. Deixámosvos aquí unha infografía sobre a vida do autor que foi creada a través do libro: De Carballo Calero a Carvalho Calero de Charo Baleirón Sóñora, Marta Domínguez Tenreiro e Belén Rodríguez Suárez editado por Hércules de Ediciones no 2020 e que podedes atopar nos andeis da nosa biblioteca:

https://www.edu.xunta.gal/centros/iesregodetrabe/node/1177

https://www.edu.xunta.gal/centros/iesregodetrabe/node/1179

https://www.edu.xunta.gal/centros/iesregodetrabe/node/1180

https://www.edu.xunta.gal/centros/iesregodetrabe/node/1172

DÍA DO LIBRO 2020: LENDO CONFINADOS

HOXE É O DÍA DO LIBRO

Na BIBLIOTRABE botamos de menos ver os lectores e lectoras. Por iso vos facemos a seguinte proposta, queremos facer un álbum de recordo das lecturas deste momento histórico:

Os/As que queirades podedes enviar as vosas  fotos ata fin de mes a bibliotrabe@gmail.com

HOXE É O DÍA DA TERRA

Esta marabilla de póster foi creado para conmemorar na NASA o 50 aniversario desta celebración

LER E APRENDER EN CORENTENA

Velaquí iremos poñendo enlaces a recursos aos que podedes acceder desde a casa:

BANDA DESEÑADA

https://www.elperiodico.com/es/ocio-y-cultura/20200316/cultura-de-cuarentena-comic-comparte-obras-gratis-online-7892108

https://www.astiberri.com/products/memorias-de-un-hombre-en-pijama

https://www.astiberri.com/products/la-balada-del-norte

https://airaeditorial.gal/noticias/le-de-balde-novo-comic-carriandola/

http://consellodacultura.gal/libros-tipo.php?tipo=Banda%20dese%F1ada


LIBROS E AUDIOLIBROS

https://www.astiberri.com/products/lecturas-a-domicilio-libro-verde

https://www.astiberri.com/products/lecturas-a-domicilio-libro-naranja

http://rinoceronte.gal/editora/pf/rinoplan-de-continxencia/

https://baiaedicions.gal/editorial/baia-edicions-con-vos-na-casa/

http://www.laiovento.com/CATALOGO/932/OS-MONOS-DE-LAXEIRO.html

https://www.yaconic.com/descarga-gratis-3000-libros-de-arte-en-pdf/

https://www.acalexandreboveda.gal/ler-en-galego-desde-a-casa/

https://www.planetadelibros.com/seleccion-editorial/que-hacer-cuando-estas-aburrido-en-casa/203

http://consellodacultura.gal/mediateca/extras/CCG_2005_Os-dados-do-reloxeiro-ciencia-amena-para-mentes-inquietas.pdf

http://consellodacultura.gal/mediateca/extras/CCG_2007_Po-de-estrelas-Novas-receitas-cientificas-de-Os-dados-do-reloxeiro.pdf


PODCAST

https://vinte.praza.gal/video/novo-podcast-nalingua-episodio-0-ola

https://stories.audible.com/start-listen


WEBS CON ACTIVIDADES

https://www.salondolibro.gal/salon-virtual/

https://www.csic.es/es/agenda-del-csic/aprende-ciencia-en-casa-con-el-csic

https://alguenquerespira.gal/


DOCUMENTAIS

https://www.youtube.com/watch?v=YQTzC_zN0hM

http://carloslorenzo.gal/verticedeversos/


XORNAIS E REVISTAS

http://www.edicionsmoitoconto.com/2018/10/o-papagaio-dixital.html

https://codigocero.com/

VISITA DOS VAGALUMES AO SALÓN DO LIBRO DE PONTEVEDRA

Os Vagalumes visitamos o pasado mes de marzo o salón do libro de Pontevedra, que este ano estaba dedicado ao Humor. Encantounos pasear pola cidade e coñecer a Orbil na súa casa.
Aquí podes ver algunhas fotos:

ARANTZA PORTABALES NA BIBLIOTRABE

A autora de Beleza Vermella visitounos onte para intercambiar co alumnado impresións sobre a lectura da súa novela

ENTROIDO 2020

A entrada da biblioteca acolleu esta semana unha exposición e paneis sobre máscaras do Entroido tradicional realizadas polo alumnado de 1 ESO, membro do EDLG.

DESDE A CANDELORIA NINGUNHA AVE VOA SOA

Os membros do EDLG decoraron a nosa árbore de lectura coas vodas doa paxariños pola Candeloria.

PULSEIRAS EN MORSE E CURTAMETRAXE

Os integrantes dos  ..._ ._ _ _. ._ ._.. .._ _ _ . ...  tras leren o libro de Jacqueline Kelly: A evolución de Calpurnia Tate fixeron ._ _. .._ ._.. ... . .. ._. ._ ... coma estas inspiradas no espírito científico e na realidade feminina reflectida na obra.

 

Ademais, escribiron e gravaron unha curtametraxe sobre vagalumes baseada na novela, aquí podes ver unha pequena escena:

CALENDARIO E LECTURAS PARA O ANO NOVO

A revista dixital galega VINTE recomendou estes "Vinte libros para os últimos vinte anos"
Xa liches todos? Só algúns? ... Pois velaí tes unha primeira proposta de lectura para o 2020

Aquí podes ler o artigo: https://vinte.praza.gal/artigo/vinte-libros-para-os-ultimos-vinte-anos


Aproveitamos ademais para deixarvos aquí o calendario do libro e a lectura do ano que entra:

SWEET SIXTEEN

Sweet sixteen é o título do segundo libro que leron este curso os Vagalumes.
Para despedir o ano os membros do Club de lectura prepararon moitas actividades arredor desta obra:

• Decoraron a biblioteca como un club de JAZZ e fixeron lecturas dramatizadas de fragmentos da novela:

• Crearon unha exposición sobre a influencia no mundo da cultura negra e a importancia da loita polos Dereitos Civís:
  
  
  
  
  
  
  

• Montaron un photocall para fotografarmonos no autobús de Rosa Parks:

• O Departamento de Música organizou un concerto didáctico de Blues e Góspel:

• O Departamento de Educación Física, contando como profesorado con alumnado de ESO, organizou un taller de Hip-hop:

• O EDLG colaborou cunha exposición dos Dibuxos de negros de Castelao:

NADAL

Dentro das actividades de Nadal, a biblioteca decorouse para a época cuns calcetíns nos que as usuarias e usuarios podían facer as súas peticións de compra:

E cunha fermosa árbore con suxestións de lectura que quedou instalada na entrada da sala: